Бел

Лёзненскі раённы выканаўчы камітэт

Адрас: 211220, Віцебская вобласць,

г.п. Лёзна, вул. Леніна, 79/2

Е-mail: info@lioznorik.by (для дзелавой перапіскі)

обращения.бел - для зваротаў грамадзян і юр.асоб

Тэлефон/факс: 8 (02138) 5-25-69, 5-22-61, 5-25-71

ВКонтакте: Лиозненский райисполком

Telegram: Лиозно. Официально

Памятны знак "Танк"

Галоўная Навіны Навіны раёна

Навіны раёна

21 кастрычніка 2021

Якуб Колас, Кандрат Крапіва і Міхась Зарэцкі 85 год назад ў Лёзна

У красавіку 1936 года вядомы беларускі пісьменнік Якуб Колас прыязджаў да нас у Лёзна на чытацкую канферэнцыю па сваёй аповесці “Дрыгва”. У канферэнцыі таксама прымалі ўдзел Кандрат Крапіва, Міхась Зарэцкі і іншыя літаратары.

Раённая газета “Ленінскі сцяг” і рэспубліканская “Звязда” паведамлялі, што ў лёзненскім кінатэатры (будынку былой царквы Узнясення Гасподня) адкрылася канферэнцыя калгаснікаў-чытачоў па кнізе “Дрыгва” Якуба Коласа. На канферэнцыі прысутнічала каля 600 чалавек. З дакладам аб творчасці Коласа выступіў дырэктар мясцовай узорнай школы Васіль Васільявіч Вугалеў. Затым адбылася першая пастаноўка твора “Дрыгва” Якуба Коласа. Ролю дзеда Талаша выканаў сам дырэктар В.В. Вугалеў, а астатнія ролі выконвалі яго вучні.

Я упэўнена, калі б жыў Генадзь Васільявіч Цыганкоў, былы рэжысёр народнага театра “У пошуку…”, у гонар такой падзеі аднавіў бы гэту п’есу і прыладзіў бы яе пад наш сучасны час, бо гісторыя развіваецца па спіралі. Людзі мяняюцца, а падзеі паўтараюцца!

Пажадана было б у гонар гэтайпадзеі на будынку “Світанка” (месцы былой царквы Узнясення Гасподня) устанавіць памятны знак: “У красавику 1936 года на гэтым месцы, у будынку былой царквы Ўзнясення Гасподня адбылася прэм’ера спектакля па аповесці Якуба Коласа “Дрыгва”, на якой прысутнічалі аўтар Якуб Колас і пісьменнікі Кандрат Крапіва і Міхась Зарэцкі”.

Алена ГРАЧЫШНІКАВА.

Сцяг Перамогі

Усе навіны