Навіны рэспублікі

9 верасня, Мінск. Прэзідэнт Беларусі Аляксандр Лукашэнка павіншаваў Прэзідэнта Таджыкістана Эмамалі Рахмона з нацыянальным святам - Днём Дзяржаўнай незалежнасці. Аб гэтым паведамілі ў прэс-службе беларускага лідара.

"Ваша краіна паспяхова ажыццяўляе планы па мадэрнізацыі эканомікі, росце сацыяльнай абароненасці і дабрабыту грамадзян, эфектыўна вырашае задачы па забеспячэнні рэгіянальнай бяспекі, умацоўваючы свой аўтарытэт на міжнароднай арэне", - гаворыцца ў віншаванні.

Кіраўнік дзяржавы падкрэсліў, што глыбока задаволены інтэнсіфікацыяй супрацоўніцтва паміж Мінскам і Душанбэ на розных узроўнях.

"Упэўнены, наш актыўны і даверны дыялог па ўсіх пытаннях з'яўляецца трывалай асновай далейшага развіцця адносін дружбы, саюзніцтва і стратэгічнага партнёрства", - адзначыў Прэзідэнт.

Аляксандр Лукашэнка пажадаў Эмамалі Рахмону добрага здароўя, сямейнага шчасця і новых здзяйсненняў, а таджыкскаму народу - міру, згоды і працвітання.